दिपक राज दिर्घायु
श्रावण १३ बुधबार,२०७८
बैतडी–नेपाल रेडक्रस सोसाइटी बैतडी शाखाद्धारा सञ्चालीत पश्चिम विपद पुर्व तयारी परियोजनाले स्वास्थ्य सामग्री बितरण गरिएको छ। मेलौली नगरपालीका–०८ को कार्यालय र आधारभुत स्वास्थ्य सेवा केन्द्र कोटीगाउलाई स्वास्थ्य सामग्री बितरण गरिएको हो।
कोरोना भाईसरको सक्रमणलाई नियन्त्रण गर्नको लागी वडा कार्यालयलाई र आधारभुत स्वास्थ्य सेवा केन्द्रलाई स्वास्थ्य सामग्री बितरण गरिएको पश्चिम विपद पुर्व तयारी परियोजना मेलौली-०८ का समाजिक परिचालक शम्भु सिहँ बिष्टले बताए।
वडा अध्यक्ष पदम सिह ठगुन्नालाई वडा कार्यालयमै स्वास्थ्य सामग्री हस्तातरण गरिएको समाजिक परिचालक बिष्टले बताए। सर्जिकल मास्क १० बक्स, सेनिटइजर ५ लिटर, क्लोरिन लिक्विड ५ लिटर र क्लोरिन स्प्रे पम्प १ थान हस्तातरण गरिएको उनले बताए।
यस्तै आधारभुत स्वास्थ्य सेवा केन्द्रका अहेब दिपक प्रशाद बागलाई सर्जिकल मास्क १० बक्स, सर्जिकल ग्लोब्स २ बक्स, सेनिटइजर ५ लिटर र क्लोरिन लिक्विड ५ लिटर हस्तातरण गरिएको उनले बताए।
