दिपक राज दिर्घायु
पौष ०९ शुक्रबार,२०७८
बैतडी–पञ्चेश्वरमा सम्पन्न अन्तरपालिका स्तरीय भलिबल प्रतियोगिताको उपाधि जितेको मेलौली टिमलाई मेलौली नगरपालीकाले सम्मान गरेको छ। शुक्रबार नगरपालीकाको कार्यालयमा बिजेता टिमलाई अबिर र दोसल्लाका साथ सम्मान गरेको हो ।
बिहीबार भएको फाइनल खेलमा सिगासलाई ३–२ को सेटले पराजित गर्दै मेलौलीले उपाधि हात पारेको थियो । उपाधि संगै मेलौलीले १ लाख १० हजार १ सय १ रुपैया नगद सहित ट्रफी मेडल र प्रमाणपत्र प्राप्त गरेको छ ।
बिजेता टिम मेलौलीले पाएको ट्रफी र मेडल मेलौली नगरपालीकालाइ हस्तातरण समेत गरेको जनाईएको छ।
यसैगरि उपबिजेता बनेको सिगासले ७५ हजार १ सय १ रुपैया कप, मेडल र प्रमाणपत्र प्राप्त गरेको थियो । तृतीय स्थान हासिल गरेको दशरथचन्द नगरपालीकाले ५० हजार १ सय १ रुपैया, ट्रफी, मेडल र प्रमाणपत्र प्राप्त गरेको हो भने चौथो स्थान हासिल गरेको पञ्चेश्वर ए ले ३० हजार १ सय १ रुपैया ट्रफी, मेडल र प्रमाणपत्र प्राप्त गरेको हो ।
पञ्चेश्वर गाउपालीकाको आयोजनमा सञ्चालन भएको भलिबल प्रतियोगितामा १० टिमको सहभागिता रहेको थियो । खेल शान्त र मर्यादित तवरले सम्पन्न भएको पञ्चेश्वर गाउपालीका अध्यक्ष गोरख बहादुर चन्दले बताए ।