दिपक राज दिर्घायु
फागुन १५ आईतबार,२०७८
बैतडी–मेलौली नगरपालीका–०५ मा भएको सातौ मंकर संक्रान्ति खुल्ला पुरुष भलिबल प्रतियोगिताको उपाधि असिम केदार युवा क्लब दशरथचन्दँ नगरपालीका–७ सुर्खालले हात पारेको छ ।
माहारुद्र स्पोर्ट क्लबद्धारा आयोजित प्रतियोगिताको आईतबार भएको फाईनल खेलमा असिम केदार युवा क्लबले प्रतियोगिताको उपाधि जितेको हो । फागुन १२ गतेबाट शुरु भएको खुल्ला पुरुष भलिबल प्रतियोगिताको दोस्रो स्थान एसएसपि क्लब मेलौली–५ र तेस्रो स्थान जेबलकट्या टिम पञ्चेश्वर गाउपालीका–०५ ल्याएको हो ।
खेलको उपाधि जित्ने असिम केदार युवा क्लबले २३,३३३ सहित ट्रफि, मेडल र प्रमाणपत्र प्राप्त गरेको छ । यसैगरि द्रोस्रो हुने एसएसपि क्लबले १४,४४४ सहित ट्रफि, मेडल र प्रमाणपत्र तथा तेस्रो हुने जेबलकट्या टिम ८,८८८ सहित ट्रफि, मेडल र प्रमाणपत्र प्राप्त गरेको छ ।
साथै खेलमा सहभागि टिमहरु मध्ये उपाधि हात पारेको असिम केदार युवा क्लब दशरथचन्दँ नगरपालीका–७ सुर्खालका खेलाडी गोबिन्द साउद खेलकै उत्कृष्ट खेलाडि छनोट भएका छन । यस्तै खेलबाट असिम केदारकै श्याम दयाल बेष्ट ब्लकर, बेष्ट स्पाईकरमा एसएसपि टिमका गणेश चनं, बेष्ट लिप्टरमा असिम केदारका सागर जैरु, बेष्ट लिभ्रोमा असिमकै बिक्रम भण्डारी र एसएसपिका नवल धामि खेलकै अनुशासित खेलाडी छनोट भएका छन ।
छनोट भएका खेलाडीहरुलाई प्रमाण पत्रका साथ सम्मान गरिएको कार्यक्रम संयोजक प्रेम बहादुर चन्दँले बताए । प्रतियोगिताका सम्पूर्ण बिजयी खेलाडी टिमहरुलाई एक समारोहका बिच सम्मान सहित पुरस्कार बितरण गरिएको थियो ।
समापन कार्यक्रमका सभाध्यक्ष आयोजक माहारुद्र स्पोर्ट क्लबका अध्यक्ष राजबहादुर चन्दँले प्रथम पुरस्कार हस्तान्तरण गरेका थिए । कार्यक्रममा प्रमुख अतिथि मेलौली नगरपालीका–०१ क वडा अध्यक्ष सुरत सिह नेगि, बिशिष्ट अतिथिमा शिबनाथ गाउपालीका–५ का वडा सदस्य गम्भीर बाहादुर चन्दँ र खलिगाड माबिका बिद्यालय ब्यवस्थापन समिति अध्यक्ष तिलक सिहँ पुजारा रहेका थिए ।
स्थानिय स्तरबाट खेलाडीहरुलाई उत्पादन गरि अन्तराट्रिय स्तरसम्म पुर्याउने उदेश्यका साथ माहारुद्र स्पोर्ट क्लबले प्रतियोगितको आयोजना गरेको कार्यक्रम सयोजक चन्दँले रेडियो मेलौलीलाई बताए ।