दिपक राज दिर्घायु
जेठ २८ शनिबार,२०७९
बैतडी–सामुदायिक रेडियो मेलौली एफएम १०१.२ मेगाहर्जले मेलौली नगरपालीकाका पुराना तथा नया निर्बाचित जनप्रतिनिधिलाई स्वागत एवम बिदाई कार्यक्रम सम्पन्न गरेको छ । शनिबार एक कार्यक्रमका बिच जनप्रतिनिधिहरुलाइ बिदाई एवम स्वागत कार्यक्रम सम्पन्न गरिएको रेडियोका स्टेशन प्रमुख लक्ष्मण बिसिले बताए ।
बिःस २०७४ सालको स्थानिय तहको निर्बाचनमा निर्बाचित भएका जनप्रतिनिधिहरुलाई मायाको चिनो प्रदान गर्दै बिदाई गरिएको हो । यसैगरि बैसाख ३० गते सम्पन्न स्थानिय तहको निर्बाचनमा निर्र्बाचित भएका जनप्रतिनिधिहरुलाइ खादा ओडाई स्वागत एवम बधाई कार्यक्रम सम्पन्न गरिएको हो ।
कार्यक्रममा मेलौली नगरपालीकाका नब निर्बाचित नगर प्रमुख भिम बहादुर चन्द भुकम्प, निबर्तमान नगर प्रमुख कृष्ण सिह नायक, निबर्तमान एवम नब निर्बाचित कार्यपालिका सदस्य, ९ ओटै वडाका नब निर्बाचित एवम निबर्तमान वडा अध्यक्षहरु, बिभिन्न राजनिति दलका प्रतिनिधि, ब्यापारि, समाजसेबि लगायतको उपस्थिति रहेको थियो ।
कार्यक्रममा सहभागि नब निर्बाचित नगर प्रमुख भिम बहादुर चन्द भुकम्पले समाजमा र स्थानिय सरकार सञ्चालनमा सञ्चार क्षेत्रको महत्वपुर्ण भुमिका रहने भएकाले आफ्नो कार्यकालमा सञ्चारसगं जोडिएर काम गर्ने र नगरपालिका भित्रका हरेक राम्रा नराम्रा पक्षहरुलाई आत्मसाथ गर्दै अगाढि बढ्ने प्रतिबद्धता जनाएका थिए ।
यसैगरि निबर्तमान नगर प्रमुख कृष्ण सिह नायकले आफ्नो कार्यकालमा सञ्चार माध्यमसगं जोडिएर काम गरेको र अबका जनप्रतिनिधिहरुले पनि सञ्चार माध्यमसगं समन्वय गरेर अगाढी बढ्ने सुझाएका थिए । साथै उनले आफ्नो कार्यकालमा गरेको बिभिन्न बिकास निमार्णका कामकाजहरुको समिक्षा गरेका थिए । नगर पालिकालाई शुन्यबाट सुरुवात गरेका कारण धेरै कामहरु अधुरा, अपुरा रहेका र खाका तयार गरिएका कामहरुलाई निरन्तरता दिन पनि आग्रह गरेका थिए ।
यसैगरि कार्यक्रममा सहभागि सम्पूर्ण वडा अध्यक्षहरुले आफुहरुले गर्ने काम काजहरुको रेडियोले समिक्षा गरि समाजमा सहि सुचना र ताजा समाचार सम्प्रेशण गर्ने कुराको जानकारी गराएका थिए ।
सामुदायिक रेडियो मेलौलीले समाजमा भएका अन्याय अत्यचार र भ्रष्टाचार जस्ता कुराको खबरदारि गरि अगाढी बढ्ने रेडियोका अध्यक्ष एवम कार्यक्रमका सभाध्यक्ष कृष्ण दत्त भट्टले बताएका थिए । उनले रेडियोले गर्ने कार्य, रेडियोका समस्या, चुनौति बर्तमान अवस्थाको बारेमा जानकारी गराएका थिए।
रेडियोले गर्ने हरेक कार्यहरु पुरा गर्ने र स्थानिय सरकारले पनि रेडियो सगं सहकार्य गर्दै अगाढी बढ्ने बिश्वास ब्यक्त गरेको थिए ।
रेडियो अध्यक्ष कृष्ण दत्त भट्टको सभाध्यक्षमा सञ्चान गरिएको कार्यक्रममा मेलौली नगरपालीकाका नब निर्बाचित नगर प्रमुख भिम बहादुर चन्द भुकम्प प्रमुख अतिथि रहेका थिए । यसैगरि निबर्तमान नगर प्रमुख कृष्ण सिह नायक बिशिष्ट अतिथि रहेका थिए ।
कार्यक्रम मेलौली नगरपालीकाको सभाहलमा सञ्चालन गरिएको थियो ।