बैतडीको पाटन नगरपालिका–१ मेल्चौरामा रहेको शिद्धेश्वर माविको प्रधानाध्यापकमा दिपेन्द्र सिह चाड नियुक्त भएका छन। शुक्रबार बसेको बिद्यालय ब्यवस्थापन समितिको बैठकले चाडलाई सर्वसम्मतले प्रधानाध्यापकमा नियुक्त गरेको छ।
सो बिद्यालयमा कक्षा ८ को नतिजा निल आएपछि केहिदिन अगाडी प्रधानाध्यापक प्रकाश लुहारले राजिनामा दिएका थिए। उनको राजिनामा पश्चात बिद्यालयले निबेदन माग गरेको थियो। प्रधानाध्यापक पदको लागि ५ जनाको निबेदन परेपनी सर्बसम्मतीले चाडलाई नियुक्त गरिएको शिक्षक नरेन्द्र सिह रावलले जानकार दिए।
नवनियुक्त प्रधानाध्यापक चाडले बिद्यालयको चौतर्फी विकास र गुणस्तरीय शिक्षा प्रदान गर्न अहम भुमिका खेल्ने बताउनुभयो। चाड बिगत ४ बर्षदेखी सो बिद्यालयमा अध्यापन गराउदै आएका छन।
नगरस्तरिय परिक्षामा कक्षा ८ मा शून्य नतिजा आएको थियो भने कक्षा १ देखी ९ सम्म ८ बाहेक वडा स्तरिय परिक्षामा जम्मा १ सय २७ जना मध्ये २२ जना मात्र उर्तिण भएका थिए। नगर शिक्षक तथा स्वमंसेवक शिक्षकले अध्यपन गराइरहेको बिद्यालयको भन्दा रिजल्ट कमजोर आएपछि प्रधानाध्यापक पदबाट लुहारले राजीनामा दिएको थिए।